主页 > E小生活 >荃湾诚意小店│由地道 越南菜 吃到新派法越滋味 @Dinin >

荃湾诚意小店│由地道 越南菜 吃到新派法越滋味 @Dinin

2020-08-02
阅读指数:893
(Presented by 越味皇)

Photo:Barry

香港唔少人锺意食东南亚菜式,我Dining娜亦係其中之一,尤其是比较light嘅 越南菜 更係我杯茶。香港泰菜馆就好多,但偏偏想搵正宗嘅 越南菜 ,选择唔及泰菜。最近喺荃湾发现开业只係三个月嘅越味皇,味道正宗之余,仲要诚意满分。

店主兼总厨张先生,曾经喺多间5星级酒店任西厨廿几年,喺酒店已经学到一身好功夫,擅长烹调西菜同法越Fusion菜;又曾经专程去越南跟当地师傅学传统越南菜,加上店内师傅半数係越南人,风味自然够晒地道!

无添加健康 越南菜

张先生尤其注重健康,所以菜式以比较健怡嘅越南南部口味为主,有别于北部较重口味。另外,全店菜式都係无添加味精,由于食材都係优质严选,所以汤河同其他菜式具层次嘅鲜香味道,主要来自新鲜食材同地道香料。

荃湾诚意小店│由地道 越南菜 吃到新派法越滋味 @Dinin
越味皇虾头膏汤檬粉 $52 汤底每日熬製,配上越南虎虾、新鲜肉碎同扎肉,仲有汤底灵魂虾头膏酱料,浓郁惹味跟鲜甜各不相让,配檬粉最夹!
荃湾诚意小店│由地道 越南菜 吃到新派法越滋味 @Dinin
三五知己米纸卷拼盘(鲜虾卷、软壳蟹卷、田园素菜)$72 师傅选用薄米纸,即叫即做,既新鲜又唔会食到厚厚嘅米纸。一次食匀3种口味,同朋友开心些牙最啱。
荃湾诚意小店│由地道 越南菜 吃到新派法越滋味 @Dinin
越式柚子鲜虾沙律 $58 採用越南虎虾同味道较甜嘅蜜柚製成,自家製沙律汁就加入青柠、鱼露同蒜头,清新醒胃。

传统 越南菜、Fusion法越菜俱备

越味皇嘅正宗 越南菜 大约佔八成,其余就係糅合咗西菜同法菜嘅Fusion菜。地道菜好似顺化滨海、汤河,以及越式芋合鲜菠萝虾酸汤饭都可喺呢度食到。想一次过试匀唔同越式滋味,推介集合咗唔同经典小食:春卷、蒸粉卷、迷你蔗虾嘅越式拼盘。

荃湾诚意小店│由地道 越南菜 吃到新派法越滋味 @Dinin
越式芋合鲜菠萝虾酸汤配饭 $68 由于唔容易拿捏酸度,所以香港较少食到越式酸汤,师傅加入适量罗望子、菠萝同芋合,酸甜平衡,师傅强调配白饭最夹。
荃湾诚意小店│由地道 越南菜 吃到新派法越滋味 @Dinin
越式三宝捞檬 $58 越南当地少有三宝捞檬,店主决定将热卖三宝香茅猪扒、香茅鸡翼同扎肉合而为一,三心两意嘅朋友必点。

製作认真够诚意

食材往往主宰菜式嘅味道,为咗贯彻越式风味,越味皇八成嘅食材係购自越南,即使简单如香茅亦坚持用越南货,张先生解释,越南香茅嘅风味同香港买到嘅完全唔一样,一食就食出。

荃湾诚意小店│由地道 越南菜 吃到新派法越滋味 @Dinin
自家秘製越式沙嗲生牛肉汤河 $46 师傅用马来西亚顶级沙茶酱自己炒,再加上烤花生製成沙嗲汤底,味浓厚身,秋冬更将会变成沙嗲火锅汤底,暖笠笠之选。

镇店招牌菜顶级生牛肉汤粉嘅汤底,每日用新鲜牛骨自家熬製,味道浓厚馥郁。为咗照顾唔食牛嘅朋友,呢度嘅汤河除咗配牛汤,亦可以配鸡汤,真係要畀个Like小店嘅细心同诚意!

荃湾诚意小店│由地道 越南菜 吃到新派法越滋味 @Dinin
越味皇顶级生牛肉汤粉 $68 汤底用新鲜牛骨熬製,充满浓香;美国顶级生牛肉放在热腾腾嘅牛汤上,瞬间即灼至仅熟,入口嫩滑。

足料落重本

除咗製作用心,越味皇用料亦足!另一必食招牌菜牛油蒜蓉鸡翼,同样係心机之作,师傅先将鸡翼炸到香脆,再用牛油、蒜蓉炒香,牛油渗入外皮后超级香口,佢哋用嘅更係法国牛油,对小店嚟讲非常重本。

荃湾诚意小店│由地道 越南菜 吃到新派法越滋味 @Dinin
越味皇牛油蒜蓉鸡翼 $74/8只、$40/4只 鸡翼先炸后炒,炸嘅时候放入大量法国牛油同蒜蓉,浓郁惹味嘅牛油香迫入外皮之中,滋味满足。

而越式牛油果沙冰每杯用一个秘鲁牛油果製成,非常足料。虽然话係沙冰,但质感几厚身,好似奶昔,相当饱肚。近年潮流兴食牛油果,呢款健康特饮,长期成为女士No. 1至爱。

荃湾诚意小店│由地道 越南菜 吃到新派法越滋味 @Dinin
越式牛油果沙冰 $32 每杯以一个秘鲁牛油果炮製,质感好似奶昔咁厚身,非常饱肚,女士至爱,日卖30杯。
荃湾诚意小店│由地道 越南菜 吃到新派法越滋味 @Dinin
天花吊满嘅越南竹帽同装饰都係购自越南,充满浓厚嘅越式风格。

越味皇

地址:荃湾路德围12号地舖(港铁荃湾站A1出口)

电话:2613 2889

备注:收现金及八达通,不设加一

相关阅读: